🎓 Rossiyada bepul ta’lim olishni xohlaysiz, ammo nimadan boshlashni bilmayapsizmi?

25–26-sentabr kunlari Toshkent shahrida «Rossiya ta’limi. Toshkent — 2026» xalqaro ta’lim ko‘rgazma-yarmarkasi bo‘lib o‘tadi — bu Rossiya universitetlarida ta’lim olish imkoniyatlariga bag‘ishlangan eng yirik yillik kasbga yo‘naltiruvchi loyihalardan biridir.
2026-yilda ko‘rgazma ketma-ket oltinchi marotaba o‘tkaziladi. Unda Rossiyaning 40 dan ortiq oliy ta’lim muassasasi ishtirok etishi kutilmoqda. Universitet vakillari tashrif buyuruvchilarni ta’lim dasturlari va o‘qishga kirish imkoniyatlari bilan bevosita tanishtiradilar.
📚 Ko‘rgazmaning asosiy mavzularidan biri — Rossiya oliy ta’lim muassasasiga qanday kirish va bepul ta’lim olish imkoniyatiga ega bo‘lish masalasidir.
Abituriyentlar va ularning ota-onalari o‘qishga kirishning turli imkoniyatlari, jumladan, Rossiya Federatsiyasi Hukumati kvotasi doirasida ta’lim olish haqida ma’lumot olishlari, shuningdek, Rossiya universitetlari vakillaridan bevosita maslahat olishlari mumkin bo‘ladi.
💬 40 dan ortiq oliy ta’lim muassasasi — bir maydonda.
Bu ikki kun davomida o‘nlab universitetlar bilan tanishish, ta’lim yo‘nalishlarini taqqoslash, oliy ta’lim muassasalari vakillari bilan suhbatlashish va kelgusidagi ta’lim yo‘nalishini tanlash uchun zarur ma’lumotlarni olish imkoniyatidir.
🤝 Tashkilotchi:
O‘zbekiston Respublikasidagi Rossotrudnichestvo vakolatxonasi.
Ko‘magida: Rossiya Federatsiyasining O‘zbekiston Respublikasidagi Elchixonasi, O‘zbekiston Respublikasi Maktabgacha va maktab ta’limi vazirligi, O‘zbekiston Respublikasi Oliy ta’lim, fan va innovatsiyalar vazirligi.
Hamkorlar: MGIMO-Toshkent, «Rosobrazovaniye» nodavlat ta’lim muassasasi, GENERAL LESSON o‘quv markazi, «Chernogolovka» kompaniyasi.
Axborot hamkori: Sputnik O‘zbekiston.
📅 2026-yil 25–26-sentabr kunlari, soat 10:00 dan 17:00 gacha
📍 Toshkentdagi MGIMO filiali
Mirzo Ulug‘bek shoh ko‘chasi, 47
🌐 Batafsil ma’lumot va ro‘yxatdan o‘tish: russian-edu.uz
«Rossiya ta’limi. Toshkent — 2026» — Rossiya universitetiga o‘qishga kirish yo‘lidagi ilk qadamingizni qo‘ying.